World of Warcraft ላይ በቀን 2 ሰዓት ብቻ በመጠቀም ለቀጣዩ ምዕራፍ
ራሳችሁን የምታዘጋጁባቸው ወሳኝ መንገዶች

The War Within በተሰኘው ምዕራፍ ማብቂያ ላይ እና የአዲሱ ምዕራፍ Midnight ጅማሮ ላይ ወደ World of
Warcraft ተመልሳችሁ፣ በቀን ሁለት ሰዓት ብቻ መጫወት በቂ እና ተስፋ አቆራጭ ሊመስላችሁ ይችላል። ነገር
ግን፣ ጊዜያችሁን በአግባቡ ከተጠቀማችሁ እና ለትኞቹን ተግባራት ቅድሚያ መስጠት እንዳለባችሁ ካወቃችሁ፣
ደረጃችሁን በፍጥነት ለማሳደግ አሁንም ጊዜው አልረፈደም። አሁን ላይ ግባችሁ የረጅም ጊዜ ውጤቶችን ማሳካት
ሳይሆን መሆን ያለበት፣ አንዳንድ ነገሮች በቋሚነት ከመጥፋታቸው በፊት በብልሃት ይዞ ለመግኘት መጣር መሆን
ይኖርበታል።

በየቀኑ የመጀመሪያ እና ዋነኛ ትኩረታችሁ ሊሆኑ የሚገቡት አሁንም ልታገኟቸው የምትችሏቸው የውድድር ዘመኑ
ሽልማቶች ናቸው። የትጥቅ ደረጃችሁ የሚፈቅድላችሁ ከሆነ፣ ለሬይድ (Raid) ቅድሚያ ልትሰጡ ይገባል።
የውድድር ዘመኑ ከማለቁ በፊት Dimensiusን በHeroic ደረጃ ድምጥማጡን ማጥፋት ከቻላችሁ፣ ከፍተኛ ደረጃ
ያላቸው ትጥቆችን ማግኘትም ከመቻላችሁም ባለፈ፣ ወደፊት በቋሚነት የማይገኙ የክብር መገለጫዎችን (feat
of strength) የግላችሁ ማድረግ ያስችላችኋል። ለሊቱን ሙሉ ሬይድ ላይ ከማሳለፍ ይልቅ፣ በአግባቡ ዝግጅት
አድርጋችሁ በGroup Finder በኩል አንዴ ወይም ሁለቴ ሙከራ ማድረግ በቂ ነው።

PvE ተጫዋች ከሆናችሁ ደግሞ Mythic+ የተሻለ ሽልማት ያቀርባል። በቀን አንድ Key ብቻ ማጠናቀቅ ብትችሉ
እንኳን፣ ሳምንታዊ ሽልማታችሁን ለማሳደግ እና ደረጃችሁን በፍጥነት ለመጨመር ከፍተኛ እገዛ ያደርግላችኋል።
ያለግብ ረጅም ሰዓት ከመጫወት ይልቅ ግብ ይዞ አጭር ጊዜ በቋሚነት መጫወት ውጤታማ ያደርጋችኋል። በሁለት
ሰዓት ውስጥ አንድ ወይም ሁለት ጥራት ያላቸውን የKeyዎችን በቀላሉ ማሳካት ትችላላችሁ።

የPvP አድናቂ ከሆናችሁ፣ ምዕራፍ 3 ላይ የሚገኙ ማስጌጫዎች (transmogs) እና መጓጓዣዎች (mounts)
በቅርቡ የሚጠፉ በመሆኑ አሁኑኑ መጀመር ይኖርባችኋል። የግድ የደረጃ ሰንጠረዡን መምራት አይጠበቅባችሁም፤
የተወሰኑ ነጥቦችን መሰብሰብ ብቻ ልዩ ሽልማቶችን ማስከፈት ያስችላችኋል። የውድድር ዘመኑ ካለቀ በኋላም
መጫወታችሁን በመቀጠል Honor እና Conquest መሰብሰብ እና ለቀጣዩ ዝግጁ መሆን ትችላላችሁ።

ሌላው፣ የመጨረሻዎቹን 15 ወይም 20 ደቂቃዎች ለቀላል ግን ጠቃሚ ለሆኑ ተግባራት መድቡ። የKhaz Algar
ዝግጅቶችን እና ሳምንታዊ ተልዕኮዎችን በማከናወን የአቅም ማጠናከሪያዎችን በመሰብሰብ፣ ወደ ሬይድ ወይም
ደንጅን ከመግባታችሁ በፊት በገጸ-ባሕርያችሁ ችሎታ እና ጥንካሬ ላይ ጥቃቅን ማስተካከያዎችን ማድረግ
በጨዋታው ውስጥ አስደናቂ ልዩነት ይፈጥርላችኋል።

እነዚህን ስልቶች በመከተል እና በቀን 2 ሰዓት ብቻ በመጠቀም አዲሱ Midnight የተሰኘው ምዕራፍ ሲጀምር
በሙሉ አቅማችሁ ለመግባት ዝግጁ ትሆናላችሁ።

መልካም ጨዋታ